Badau a Llongau cynnar yn Ne Cymru. Ers yr 1980au mae Ymddiriedolaeth Archaeolegol Morgannwg Gwent wedi bod yn ymwneud â'r gwaith o gloddio pum llong bren o wahanol gyfnodau. Mae'r gwaith gofalus o gloddio'r llongau wedi dangos nid yn unig sut cafodd y llongau eu gwneud ond hefyd y nwyddau yr oeddent yn eu cludo a pha mor bell yr oeddent yn gallu teithio.

Castell Caerdydd. Gwnaed gwaith cloddio ar safle'r ganolfan ymwelwyr newydd yng Nghastell Caerdydd ar ran Cyngor Dinas Caerdydd. Nid yn unig y mae Castell Caerdydd yn gastell Normanaidd pwysig, a ddefnyddiwyd trwy gydol yr Oesoedd Canol ac yn ddiweddarach, ond roedd hefyd yn safle ar gyfer pedair caer Rufeinig yn olynol, pob un ohonynt ychydig yn wahanol o ran maint a siâp.

Celtic Manor. Gwaith cloddio a hynny cyn gwneud estyniad i Gwrs Golff Wentwood Hills yn y Celtic Manor gan ddarparu gwybodaeth newydd am yr anheddiad Rhufeinig yn Great Bulmore, tua 2km o'r lleng-gaer fawr yng Nghaerleon.

Wind Street, Abertawe. Gwnaed gwaith cloddio rhwng Wind Street a York Place, Abertawe, darparwyd gwybodaeth newydd bwysig ar dref ganoloesol Abertawe, ac ar ddatblygiadau cynharach a diweddarach. Y gwrthrych cynharaf a ddarganfyddwyd oedd crochenwaith o'r Oes Efydd, gan fynd â hanes Abertawe yn ôl fwy na 1,000 o flynyddoedd.